.نرجعلــك يــا عــِراق ..
ليش النـاس تضـوج من تسمـع آنــي أحِبــَـك
تتشفـى بالنـار البيك وآني بالجنـّة أشبهـــك
يگولـون حُبّي إلك جـّـِذبْ ونـِفـــاقْ
گاعِدْ بالغُـربــة وتبجــي عالعــِراق
ناسيـن إنهُ من خيـرك عليهم إجـى تعّبــَكْ
صح إللي يتغـّرب من بلادة تلگــاه ضايـــع ؟؟
بس إللي ينكـُر جذوره وأصلــه هو البايــع !!
البعيـد عن الوطـنْ يبقى حزينْ وذليــلْ
بس إللي ينكُر تربته الموت بحقّة قليـل
خاين يظـّل للمــُوت وما يستاهـِل يشوف دربــك
يسألـوني النـاس شبيـك تـحِـب العــِراق ليـش شمنـطيــك ؟؟
أجاوبهُم يكفي من أصيح بغــداد ..تخفّـف عني كل ضيـگ !!
شما طال بينـا البُعـُد بيها أغلى الأحبــاب
لا بُــد نـــِرد بـــيــومْ ومــا نــِظـّـل أغــــراب
نرجعلِكْ طبعـــاً يــا عــِراق .. ونُفــرُش بِنــُص گـــلبـــَك
